శివపూజ రహస్యాలు - శివపూజ మాసాలవారి సమర్పించవలసిన
పూవులు ? శివపూజ రహస్యాలు ?
♦ సువాసనలేని, సుగంధ వాసన కలిగిన పది పుష్పాలను శివలింగానికి సమర్పిస్తే అది శతసహస్ర మాలలతో పూజ చేసినటువంటి అనంతమైన పుణ్యఫలం లభిస్తుంది అని శివ ధర్మ సంగ్రహం అనే దానిలో చెప్పబడింది.
♦ శివుడి పటానికి లేదా శివలింగానికి రోజూ ఒక పువ్వును సమర్పిస్తే 80 లక్షల కోట్ల సంవత్సరాల వరకు దుర్గతి సంభవించదు.
♦ ఎవరైనా స్వయంగా పెంచిన పూలచెట్టు పువ్వులతో భక్తీశ్రద్ధలతో పూజించినవారికి శాశ్వత శివసాయుజ్యం తప్పకుండా పొందుతారు.
♦ పుష్పాలు, చెట్ల ఆకులతో శివుడికి సమర్పిస్తే ఆ చెట్లు కూడా పరమపదం పొందుతాయి.
♦ ఎవరైనా ఐదు పువ్వులతో శివుడిని పూజించినట్లయితే వారికి పది అశ్వమేధాలు చేసిన ఫలితం లభిస్తుంది.
♦ ఎవరైనా ఎనిమిది పువ్వులతో పరమేశ్వరుడిని పూజించినట్లయితే వారికి కైలాస ప్రాప్తి లభిస్తుంది.
మాసాలవారి పువ్వులతో శివపూజ ....
♦ చైత్రమాసంలో నృత్యం, గీతాలతో పరమేశ్వరుడిని సేవించి, దర్బ పువ్వులతో అర్చన చేసినట్లయితే వారికి పలు రకాల సువర్ణాలు లభిస్తాయి.
♦ వైశాఖ మాసంలో శివుడికి ఆవునెయ్యితో అభిషేకం చేయించి తెల్లని రంగు మందార పువ్వులతో పూజించినట్లయితే వారికి అశ్వమేథయాగం చేసిన పుణ్యఫలం దక్కుతుంది.
♦ జ్యేష్ఠ మాసంలో ఎల్లవేళలా పరమేశ్వరుడిని పెరుగుతో అభిషేకించి, తామరపువ్వులతో పూజ చేసిన వారికి ఉత్తమ పరమపదాలు పొందుతారు. (వారు)
♦ ఆషాఢమాసంలో బహుళ చతుర్థశి తదియ రోజు స్నానం చేసి శుచిగా తయారయ్యి ఇంట్లో కొంచెం గుగ్గిలంతో పూజగదిలో ధూపం వేసి తొడిమలతో ఉన్న పువ్వులను మాల చేసి శివుడికి వేసి అర్చించిన వారికి బ్రహ్మలోకాన్ని అధిగమించి పరమపదం పొందుతారు.
♦ శ్రావణ మాసంలో ఒంటి పూట మాత్రమే భోజనం చేసి, గన్నేరు పువ్వులతో పరమేశ్వరుడిని అర్చించిన వారికి వెయ్యి గోవులను దానం చేసినంత పుణ్యఫలం పొందుతారు.
♦ భాద్రపద మాసంలో పరమేశ్వరుడిని ఉత్తరేణి పువ్వులతో అర్చించిన వారు హంసధ్వజంతో కూడుకున్న విమానంలో పుణ్యపదాలకు వెళతారు.
♦ ఆశ్వీయుజ మాసంలో పరమేశ్వరుడిని జిల్లేడు పువ్వులతో పూజించిన వారు మయూరధ్వజంతో కూడుకున్న విమానంలో శివపదానికి చేరుకుంటారు.
♦ కార్తీకమాసంలో పరమేశ్వరుడిని పాలతో అభిషేకం చేసి, జాజిపువ్వులతో పూజ చేసినవారు నిరంజనమైన శివపదాన్ని దర్శించుకుంటారు.
♦ మార్గశిర మాసంలో పరమేశ్వరుడిని పొగడ పువ్వులతో పూజించినవారు పరమపదం పొందుతారు.
♦ మాఘమాసంలో పరమేశ్వరుడిని బిల్వదళాలతో పూజిస్తారో వారు సూర్యచంద్రులు గల విమానంలో వెళతారు.
♦ ఫాల్గుణ మాసంలో పరమేశ్వరుడిని సుగంధ జలాలతో అభిషేకం చేసి తుమ్మపువ్వులతో పూజించినవారికి ఇంద్రుడి అర్థ సింహాసనాన్ని పొందుతారు.
ప్రతిరోజూ పరమేశ్వరుడిని ఒక జిల్లేడు పువ్వుతో పూజించినట్లయితే వారికి పది సువర్ణ ముద్రికలను దానం చేసినంత ఫలం కలుగుతుంది.
