దేవీ దేవతలకు నివేదించవలసిన నైవేద్యాలు?
హిందువులు ప్రతిరోజూ దేవీదేవతలకు పూజ చేసిన తరువాత నైవేద్యాలు సమర్పిస్తూ ఉంటారు. అసలు ఎవరికీ ఎటువంటి నైవేద్యం పెట్టాలి అని ఆలోచిస్తూ ఉంటారు. వారికోసమే ఈ వివరణ ...
విఘ్నేశ్వరుడు : బెల్లం, ఉండ్రాళ్ళు, జిల్లేడుకాయలు నైవేద్యంగా సమర్పించి, శ్వేత అంటే తెల్లని అక్షతలతో పూజించాలి.
శ్రీ వేంకటేశ్వర స్వామి : వడపప్పు, పానకం నైవేద్యంగా పెట్టి తులసిమాల మెడలో వేయాలి.
ఆంజనేయస్వామి : అప్పాలు నైవేద్యం సమర్పించి, తమలపాకులతో, సింధూరంతో అలంకరించి పూజించాలి.
సత్యనారాయణ స్వామి : ఎర్ర గోధుమనూకతో, జీడిపప్పు, కిస్ మిస్, నెయ్యి కలిపిన ప్రసాదం నైవేద్యంగా నివేదించాలి.
పరమేశ్వరుడు : కొబ్బరికాయ, అరటిపళ్ళు నైవేద్యంగా పెట్టి, మారేడు దళాలు, నాగమల్లి పువ్వులతో అర్చన చేయాలి.
శ్రీకృష్ణుడు :అటుకులతో కూడిన తీపిపదార్థాలు, వెన్న నైవేద్యంగా సమర్పించి, తులసి దళాలతో పూజించడం ఉత్తమం.
షిరిడీ సాయిబాబా : పాలు, గోధుమరొట్టెలు, ఉడకబెట్టిన శెనగలు, రవ్వకేసరి నైవేద్యంగా సమర్పించాలి.
సూర్యుడు : మొక్కపెసలు, క్షీరాన్నం నైవేద్యంగా సమర్పించాలి.
లక్ష్మీదేవి : క్షీరాన్నం, తీపిపళ్ళు నైవేద్యంగా నివేదించి తామరపువ్వులతో పూజించాలి.
లలితాదేవి : క్షీరాన్నం, మధురఫలాలు, పులిహోర, మిరియాలు కలిపిన పానకం, వడపప్పు, చలిమిడి నైవేద్యంగా సమర్పించాలి.
దుర్గాదేవి : మినపగారెలు, అల్లం ముక్కలు నైవేద్యంగా నివేదించాలి.
సంతోషిమాత : పులుపులేని పిండివంటలు, తేపిపదార్థాలు నైవేద్యంగా సమర్పించాలి.
ఈ విధంగా దేవీ దేవతలకు నైవేద్యాలు సమర్పించి వారి ఆశీర్వాదాలు పొందగలరు.
Note: HTML is not translated!